1,649 bytes added,
12:48, 9 जुलाई 2024 {{KKGlobal}}
{{KKRachna
|रचनाकार=सानु शर्मा
|अनुवादक=
|संग्रह=
}}
{{KKCatKavita}}
{{KKCatNepaliRachna}}
<poem>
कहिले जिन्दगी मसँग झुट बोलिरहेछ
कहिले म जिन्दगीलाई ढाँटिरहेछु
कहिले ढाँडिनुको प्रतिफल भोगिरहेछु
कहिले ढाँट्नुको सजायँ काटिरहेछु ।
जिन्दगी लागिपरेको छ मलाई पछार्न
म
आफ्नो डेगमा अडिरहेछु
जिन्दगीसँग कसै गरी नहार्न ।
एकअर्कालाई पराजित गर्ने एकोहोरो होडमा
निरन्तर लागिरहेछौँ
एकअर्काका कमजोरी खोजिरहेछौँ ।
कहिले जिन्दगी मलाई खेदिरहेछ
कहिले म जिन्दगीलाई खेदिरहेछु
कहिले जिन्दगी मसँग भागिरहेछ
कहिले म जिन्दगीसँग भागिरहेछु ।
म सधैँभरी मौका खोजिरहेछु
उपयुक्त बेला पर्खिरहेछु
जिन्दगीलाई विजयी प्रहार गर्न
आफ्नो अधिनमा ल्याएर
मनले चाहेको रङ्ग भर्न ।
</poem>