1,304 bytes added,
15:29, 13 अगस्त 2024 {{KKGlobal}}
{{KKRachna
|रचनाकार=सानु शर्मा
|अनुवादक=
|संग्रह=
}}
{{KKCatGhazal}}
{{KKCatNepaliRachna}}
<poem>
आकाङ्क्षाका अनगिन्ती लहरहरूले
अधकल्चो पारिरहेछन् रहरहरूले
दूरीलाई किन दोष लगाउँछौ तिमी, प्रिय
नजिकिन दिँदैनन् मान्छेका नजरहरूले
मनभित्रै बसाएपछि अँध्यारोको शहर
मन कहाँ छुन्छन्, उज्याला प्रहरहरूले ?
चुँडिनैछ भने यदि सम्बन्धको डोरी
जोगाउँदैनन् ढुङ्गा-माटाका घरहरूले
देशमा सुधार होला भनी आशा नगरे हुन्छ
जबसम्म शासन गर्छन्, जोकरहरूले
आफ्ना लागि गर्नुपर्ने, आफैँले नै गर्नू, सानु!
केही गरिदिँदैनन्, यहाँ कुनै ईश्वरहरूले
</poem>