2,213 bytes added,
09:15, 7 सितम्बर 2024 {{KKGlobal}}
{{KKRachna
|रचनाकार=दीपक शम्चू
|अनुवादक=
|संग्रह=अनुहारमा आप्पा / दीपक शम्चू
}}
{{KKCatKavita}}
{{KKCatNepaliRachna}}
<poem>
महोदय,
मैले, मेरो मुटुको धड्कन मबाट छुट्टाएर
पठाएको छु त्यो पवित्र बगैँचामा
उसलाई लालिगुँरास फूल सजाउनुहोस् या बन्सो
फूलका थुङ्गा–थुङ्गामा डाँफे नचाउनुहोस् या लाटकोसेरो ।
ऊ काँचो माटो हो
उसलाई टपक्क घाम टिपेर दिनुहुन्छ कि
बनाउनुहुन्छ सूर्यमुखी फूल
प्राकृतिक सौन्दर्य चिनाउनु हुन्छ कि
बनाउनुहुन्छ सङ्गीत दिने बाजा
मलाई थाहा छैन - तपाईं के गर्नुहुन्छ !
लिङ्कनले झैँ भन्दिनँ
"मेरो छोराले दुःखमा आँसु झार्न सकोस् ।"
र चाहना राख्दिनँ
कुशल डाक्टरले झैँ शल्याक्रिया गरी निको पारोस् बिरामी
सक्षम इन्जिनियरले झैँ सुन्दर संसारको रचना गरोस् ।
महाशय,
मलाई, मात्र यो विश्वास छ
तपाई मेरो छोरालाई राम्ररी चिन्नुहुनेछ, प्रष्ट बुझनुहुनेछ ।
उसले
हाँस्दाहाँस्दै, खेल्दाखेल्दै रमाउँदारमाउँदै
आफ्नो आमाको मुहारसँगै
आफूलाई राम्ररी चिन्न सकोस् ।
०००
</poem>