सकरी खटुलिया पै गौरा महादेव, / बुन्देली
सकरी खटुलिया पै गौरा महादेव,
किस मिस किस मिस होय सुनौं जू।
किस मिस किस मिस जिन करौ गौरा रचिहौं दूसरो ब्याह सुनो जू।
जो तुम दूसरो ब्याह रचौ भोला हम मायके ढुर जैहें सुनौ जू।
हथ लई लुटिया बगल लै लई धुतिया धर लई मायके की गैल सुनो जू।
लाल लाल भोला डुलिया सजायी पचरंग सजे हैं कहार सुनो जू।
इक वन नाके द्विज वन नाके तिज वन पहुँचे जाय सुनो जू।
इतनी देख गंगा ठाँड़ी जो हो गई कैसे आगमन तुम्हारा सुनो जू।
आनंद पूर्वक गौरा हमारी हाल तुम देओ सुनाये सुनौ जू।
गौरा मरै छह महीना बीत गये छह महीना छह दिन सुनो जू।
तुमकौ लिवाउन आये वारी गंगा चलौ हमारे संग सुनौ जू।
इक वन नाकी गंगा दूजे वन नाकी तीजे वन आये सिधारी सुनो जू।
उतै से आये भोला गौरा सें बोले गंगा कौ लेओ उतार सुनौ जू।
बहुअें औ बिटिया भोला सब कोउ उतारौ सौत उतारी न जाय सुनो जू।
सकरी खटुलिया पै गौरा महादेव किसमिस किसमिस होय सुनो जू।
