भारत की संस्कृति के लिए... भाषा की उन्नति के लिए... साहित्य के प्रसार के लिए
समय अइसन हवे मरहम कि अपने घाव भर जाला / सूर्यदेव पाठक 'पराग'
Kavita Kosh से
समय अइसन हवे मरहम कि अपने घाव भर जाला
कठिन जीयल बुझइलो पर ई सबमें चाव भर जाला
ई जिनगी धार नदिया के रूकी ना घाट पर आके
लहर के साथ में बह के कबो कोई ना पछताला
विरह आ मिलन के मिल के बनल ई जिन्दगी अइसन
कबो दुखिया जिया होला, कबो गलहार वरमाला
ना कोई बा पराया सबके मन में भ्रम पलल बाटे
खुदे अपने बुझा जाला पड़ेला लोग से पाला
जे आपन बन कसम खाता निभाही साथ जिनगी भर
डगर में पाँव डोलत बा पियत में कष्ट के प्याला
सही राही उहे बाटे चलेला पाँव पर अपना
जहाँ जइसन समय आवे टपत जाला नदी-नाला
