भारत की संस्कृति के लिए... भाषा की उन्नति के लिए... साहित्य के प्रसार के लिए
सर सुरक / विजय गौड़
Kavita Kosh से
सर सुरक, सुरक सुरक हे सर सुरक सुरक -२
सर सुरक सुरक वा म्येरि जिकुड़ि मा ऐ गेईं
म्येरि लुकै-ढकै धरीं वा माया ल्ये गेईं
सर सुरक ....।
कख होलि वा, कनि होलि,
बालि सि या सयाणि होलि।
लाल-ललंगि बुराँश होलि
कि छालि-छटंगि हिलान्सि होलि।
कोरस: कनि होलि धौं त्येरि ब्योलि, कनि होलि धौं त्येरि ब्योलि?
बणि कि सबि सवालों कु जवाब वा ऐ गेई,
म्येरि लुकै ढकै धरीं वा माया ल्ये गेई।
सर सुरक ।
खाल-धारों, बजार खुज्ये,
रूढ़ि-ह्यूंद, बसिग्याल रुझै।
त्येरा औण कि आसन ऐ लोलि,
भण्डिरणों कि जिकुड़ि मुझ्ये
कोरस: झणि कति बॉदों कि जिकुड़ि मुझये?
गुरु भैजि कि जै हो, तेरि कुंडलि जु दे गेई,
मेरि लुकै-ढकै धरीं वा माया।
