भारत की संस्कृति के लिए... भाषा की उन्नति के लिए... साहित्य के प्रसार के लिए
सुगन / कृष्ण वृहस्पति
Kavita Kosh से
कांई ठाह
कुण बीज्यो हो
म्हारै आभै मांय
बींरी हंसळी रो चांद ?
अर
कियां बंधग्यो
म्हारी भरोटी मांय
काळै नाग ?
बींरी हंसळी रो चांद
राखै रोहिड़ै रै फूलां री ख्यांत
अर म्हारी भरोटी वाळौ नाग
नीं टिपण देवै म्हानै
बारली गुवाड़।
म्हारै लीलै पडयोड़ै डील नै
आपरै पसेवां रो अरग दे'र
बा खोल देवै चौथ रा बरत।
अर गांव री बूढ़ी-बडेर्यां
भेळी हो'र
गावण लाग जावै
ब्याव रा गीत।
