भारत की संस्कृति के लिए... भाषा की उन्नति के लिए... साहित्य के प्रसार के लिए
सुनामी / लीला मामताणी
Kavita Kosh से
दर्द जो हिक सैलाब असां खे ॾेई वियो सुनामी
मौत जो विस्तार हिकु ॾेई वियो सुनामी
ॻोढ़नि ऐं सिस्कियुनि खां हिति न कुछु बचियो आ
ख़ुशी ऐं मुस्कराहट खसे वियो सुनामी
ॾिसंदे ॾिसंदे हिक पल में उजड़ी वियो सुनामी
असांजे पंहिंजनि जा ई हथ छिके वियो सुनामी
कुदरती सुंदरता तहस नहस करे वेयूं लहिरूं
बस पुठियां सिर्फ़ गंद जो सैलाब छॾे वियो सुनामी
सभनि जा साह ॼणु रुकजी विया
घड़ीअ जूं सुयूं बि ॼण बिहिजी वेयूं
घणेई मुंझयल सवाल हित छॾे वियो सुनामी
आदीवासी रहंदा हुआ कुदिरती नज़ारनि जे भरिसां
इन कुदरती क़हर जा जुल्म ॾेई वियो सुनामी
देवय ॼण दानव थी विया इहो ई कालु चक्कर हो
अहिड़ो कहिड़ो अपराध थियो विछोड़ो ॾेई वियो सुनामी
