भारत की संस्कृति के लिए... भाषा की उन्नति के लिए... साहित्य के प्रसार के लिए
सूतल सनेह आके के दो जगा गइल / रामरक्षा मिश्र विमल
Kavita Kosh से
सूतल सनेह आके के दो जगा गइल
जिनिगी में दरद के बा लहबर लगा गइल ।
बिरहिन के बात केहू कइसे करे भला
हमरा के देखि के बा सभ्भे बगा गइल ।
दिल के दरद कहीं हम केकरा ले जाइके
मुसुकी उमर के केहू लेके परा गइल ।
कतना ले हम करेजा के घाव देखाईं
उनुका नयन से बाटे बहुते दगा गइल ।
फागुन कहाँ गइल ना कुछऊ लगल पता
सावन बा आँख में अब आके समा गइल।
