सूरज जी के गीत / 1 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

डूंगरिया री खिड़कियां सूरज मल उगियो।
पोढया जागो जी बिंदायक जी ओ आप, सूरज मल उगियो।
थांके घर है जी सेवकड़ा रो ब्याव सूरज मल उगियो।
थांन रिद्ध सिद्ध ओ राजा करवण जोग सूरज मल उगियो।
थांकी नगरी में राजा हरक उछाव, सूरज मल उगियो।
डूंगरिया री खिड़कियां सूरज मल उगियो।
जागो-2 जी... आप, सूरज मल उगियो,
थांके घर है जी बेटा पोता को ब्याव, सूरज मल उगियो।
थांने रुपया ओ राजा खरचण जोग सूरजमल उगियो।
थांने काम जी राजा करवण जोग, करवण जोग, सूरज मल उगियो।
डूंगरिया री खिड़कियां सूरज मल उगियो।
जागो-जागो जी मारेती ओ आप, सूरजमल उगियो।
थांक घर है जी भाणेज रो ब्याव, सूरजमल उगियो।
थांने मायरो हो राजा पेरावण जोगा सूरजमल उगियो।
डूंगरिया री खिड़कियां सूरज मल उगियो।
जागो-जागो जी सगला सवासणा आप, सूरजमल उगियो।
थांन आरत्यो ओ राजा करवण जोग, सूरजमल उगियो।
थांक घर है जी साला-साली रो ब्याव सूरजमल उगियो।
थांक कुतरा ओ राज ताड़न जोग सूरजमल उगियो।