भारत की संस्कृति के लिए... भाषा की उन्नति के लिए... साहित्य के प्रसार के लिए
सूर्ये नाँखी जलले चल / अमरेन्द्र
Kavita Kosh से
सूर्ये नाँखी जलले चल
या बर्फे रं गलले चल
भीड़ोॅ पर विश्वासे की
राही छैं तेॅ अकल्ले चल
ई पछियां की धमकैतै
आँधी पर तों पलले चल
मंजिल केॅ ठोकर मारें
आरो आगू चलले चल
सुस्ताबे नै छाँहीं में
घरलेॅ हाथ निकलले चल
सब गल्लोॅ पर संकट छै
गल्लोॅ गल्लोॅ मिलले चल
एक अकेल्लोॅ मारलोॅ जैबै
सौसे उठी मुहल्ले चल
-30.3.92
