सैकट में पड़लै हिन्दुस्तनमा हो तुलसी के रामा / अनिरुद्ध प्रसाद विमल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अनिरुद्ध प्रसाद विमल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सैकट में पड़लै हिन्दुस्तनमा हो तुलसी के रामा

सिंह सृग पीयै छेलै एक्के घाट पानी हो
सकल खूशियाली छेलै तनियो नै बेमानी हो
जग में देल्हौ समता के दर्शनमा हो तुलसी के रामा

धरमोॅ के राज गेलै, पापोॅ के राज ऐलै
भ्रष्टाचार घूसखोरी भारतोॅ में बढ़ी गेलै
केना होतै भारत के निरमनमा हो तुलसी के रामा

धोबी के कहला पर तोंय सीता केॅ त्यागी देलौं
पितृ वचन खातिर राजोपाट छोड़ी देल्हौ
तनियो नै सुख पर देल्हौ धियनमा हो तुलसी के रामा

जनम ले कॅ फेरू भगवन भारत में आवो हो
सिंहासन लैॅ झगड़ा केॅ तोंही मिटाबो हो
व्याकुल छै विमल के परनमा हो तुलसी के रामा