भारत की संस्कृति के लिए... भाषा की उन्नति के लिए... साहित्य के प्रसार के लिए
सौन बितला पेॅ वही रं के घटा की ऐतै / अमरेन्द्र
Kavita Kosh से
सौन बितला पेॅ वही रं के घटा की ऐतै
है बियाबानोॅ में हरियाली भला की ऐतै
तोरा नसीब छौं गंगा तेॅ प्यास भाबै छौं
लोर चाटै छी तेॅ प्यासोॅ के मजा की ऐतै
जौनें कोठरी केॅ करी लेलेॅ छै कस्सी केॅ बंद
हेनोॅ कोठरी में समन्दर रोॅ हवा की ऐतै
जेकरोॅ हर बात सें टपकै छै अमीरी के रंग
ऊ सुदामा के यहाँ कभियो भला की ऐतै
खूब साधै लेॅ लगै छै गला केॅ बरसौं तक
खाली चिल्लैला सें गाबै के कला की ऐतै
एक हत्यारा केॅ हत्यारा कही देलेॅ छियै
हमरा मालूम छै हमरा लेॅ सजा की ऐतै
अभियो उम्म्ीद छौं अमरेन्द्र ओकरोॅ आबै के
ई छिकै कब्र यहाँ केकरो पता की ऐतै
-14.7.91
