भारत की संस्कृति के लिए... भाषा की उन्नति के लिए... साहित्य के प्रसार के लिए
सौरम / मदन गोपाल लढ़ा
Kavita Kosh से
रगत रै रिस्तै सूं
कमती कोनी हुवै
आतमा रो रिस्तो।
धरम,भासा अर भूगोल रै
भेद सूं
भोत ऊंचो हुवै
आतमा रो आंगणो
जठै कोई भींत
कोनी रोक सकै
भावां री सौरम।
चार सौ कोस रै आंतरै नंै
डाकÓर जद थूं
म्हारै हिवड़ै रोप्यो
बाप-बेटी रै नेह रो बिरवो
तद सांचाणी
उणरी सौरम सूं
सैंचन्नण हुयग्यो
म्हारो जग-जीवण।
