भारत की संस्कृति के लिए... भाषा की उन्नति के लिए... साहित्य के प्रसार के लिए
स्याम! मोरी लाज तिहारे हाथ / स्वामी सनातनदेव
Kavita Kosh से
राग तैलंग, तीन ताल 23.8.1974
स्याम! मोरी लाज तिहारे हाथ।
कहा कहों मेरे मनमोहन! अपनी औगुन-गाथा<ref>अवगुणों की कहानी</ref>॥
जानत हो सब ही मो मनकी, उरझन जो मो माथ।
साधन-अराधन बिनु हूँ मैं तरन चहों भव-पाथ॥1॥
लच्छ दूर, करनी न कहूँ कछु कहा करों अब नाथ!
सब बल सिथिल, सिथिल पौरुष हूँ, दीखत कोउ न साथ॥2॥
पै है अति हि भरोस तिहारो, तुम अनाथके नाथ।
या ही सों सब आस-त्रास तजि तकहुँ तिहारो हाथ॥3॥
सरनागतकी पत राखत हो, जगत विदित यह बात।
हौं हूँ चरन-सरन तकि आयो, क्यों त्यागहुगे नाथ!॥4॥
शब्दार्थ
<references/>
