भारत की संस्कृति के लिए... भाषा की उन्नति के लिए... साहित्य के प्रसार के लिए

हमरोॅ तॅे सिन्दूरे गहना / संवेदना / राहुल शिवाय

Kavita Kosh से
यहाँ जाएँ: भ्रमण, खोज

नै भावै छै रूपया पैसा,
नै भावै छै कपड़ा-लत्ता,
नै चाहै छी पायल-झुमका,
नै चाहै छी हम मनटिक्का,
सबसेॅ बड़का ई जीवन मेॅ
एतने टा छै बात हे बहिना |
हमरोॅ तॅे सिन्दूरे गहना |

सैंया जी जे होलै विदेशी,
होलै पैसा-कौड़ी बेसी,
मतुर ई जीवन छै केहनाॅे,
सोना लगतै छाउरोॅ जेहनाॅे,
हमरा विरहा के आगिन में
जलना नै छै आबे बहिना |
हमरोॅ तेॅ सिन्दूरे गहना |

दोनाॅे गोटा घाॅेर चलैबै,
बच्चा केॅ भी खूब पढैबै,
दिनभर हम्मू मेहनत करबै,
घरबा केॅ अन-धन सॅे भरबै,
तोहीं बताबाॅे बिन मालिक के
लगतै की ई घरबा बहिना ?
हमरोॅ तॅे सिन्दूरे गहना |

रचनाकाल - 10 जून 2008