हमरो दुलहा से फलां दुलहा / मैथिली लोकगीत

मैथिली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

हमरो दुलहा से फलां दुलहा
खेलऽ जेता बड़ी दूर हे
ओतऽ सऽ जे लएला दुलरूआ
हरिअर सुगबा
सुबगा बइसल मांझे ठाम हे
सभ केओ साजल जाइ बरिअतिया
सुगा लेल अंगुरी पसारि हे
हमहूँ तँ लेब बाबा अंगिया टोपिया
हमहूँ तँ जायब बरिआत हे
सभ बरिअतिया अँटकल दरबज्जा
सुगबा अँटकल आमक ठारि हे
सभ केयो निरेखथि जाइत बरिअतिया
सासु निरेखी सुगा ठोर हे
आइ हे माइ पर हे पड़ोसिन
सुगा जुनि नजरि लगाउ हे
वनहि के सुगबा वनहि उड़ि जायत
रहि जायत धीअहि जमाइ हे