भारत की संस्कृति के लिए... भाषा की उन्नति के लिए... साहित्य के प्रसार के लिए
हिक ॾाहिरीअ जो वापस न मोटणु / हरीश वासवाणी
Kavita Kosh से
के सियाणा
धरतीअ खां... समुंड ॾांहुं विया
समुंड खे समुंडु समुझी
नचिया टिपिया ऐं कुडिया
वरी धरतीअ खे धरती समुझी
समुंड खो... धरतीअ ॾांहुं
वापस मोटी आया!
पोइ
लहरुनि तां पन्ध कन्दो
हू हलियो वियो, दूर दूर, ऐं विञाइजी वियो।
सियाणा मथिसि खिलिया
खेसि क़तार में बीहारे, अंगु
पूरो करे ॾेखारियाऊं
पर हू कोन समुझियो।
हुननि खेसि ॾाहिरी कोठियो।
उन बाद, अजु ताईं
उहो ॾाहिरी, हरीशु वासवाणी
इहो विश्वासु न करे सघियो आहे
त को हू मोटी आयो आहे।
