भारत की संस्कृति के लिए... भाषा की उन्नति के लिए... साहित्य के प्रसार के लिए
हेर हाम्रो डाँडापाखा / गीता त्रिपाठी
Kavita Kosh से
हेर हाम्रो डाँडापाखा मुस्कुराउन छोडे
जस्लाई उनले हुर्काएथे तिनले नाता तोडे
फलेसम्म मीठा फल खाए खोसीखोसी
आज एउटाअर्कोलाई ठान्न लाग्यो दोषी
गाउँका थुँङ्गा फक्रिएर सहर हाँसेको'थ्यो
मनको बारी खुला पारी नेपाल बाँचेको'थ्यो
पैले खरसरि सुकाई फेरि आगो झोसी
आज एउटाअर्कोलाई ठान्न लाग्यो दोषी
गर्दै थियो गाउँसहर सँगै हातेमालो
भेटिए'थ्यो उन्नतिको पथमा हिँड्ने पालो
कसलाई पोल्यो छातीभित्र नेपालीको खुसी
आज एउटाअर्कोलाई ठान्न लाग्यो दोषी
•
