भारत की संस्कृति के लिए... भाषा की उन्नति के लिए... साहित्य के प्रसार के लिए

हे मेरा पति बड़ा धोखे बाज मिरै तै दे गया धोखा / हरियाणवी

Kavita Kosh से
यहाँ जाएँ: भ्रमण, खोज

हे मेरा पति बड़ा धोखे बाज मिरै तै दे गया धोखा
हे ऊं नै न्यारी बिछा ली खाट मिरे ते फेर गया पाच्छा
सिखरी मैं झूलै चांद यार नै दे दिया रूका
रै उतर्या नै मिरे यार भतेरा बतला लिया होगा
ऊं नै धोला पैर्या कमीज सैड़दे हो लिया बैठ्या
हे मेरी जड़ तै तजूरी खोल रेल का ले लिया भाड़ा
मेरी जड़ तै ट्रंक खोल के गुलाबी ले लिया साफा
मेरी रुके मारै सास लाल मेरा सोवंता होगा
री क्यूं रूके मारै मेरी सास अटेली जा लिया होगा
हे लत्ते कपड़े काढ़ के पांद्यां नै धरदा होगा
न्यूं तो मैं बी जाण गई भीतर नै बड़दा होगा
हे थर थर तो मेरा गात काम्बा सीढ़ी पर तै पड़गी
भाज्जी तो मेरी नणदल आई भावज कड़ै डिगरगी
ऊपर चढ़कै देख नणद जी तेरा बीर आंवदा होगा
कन्धै ऊपर गोल बिसतरा लांवदा होगा
रसते कै मैं सै लेटडी उठै नाह्वंदा होगा
हाथ के मैं कंघा सीसा मांग जचांवदा होगा