भारत की संस्कृति के लिए... भाषा की उन्नति के लिए... साहित्य के प्रसार के लिए
તુલસીકયારો / ભરત ત્રિવેદી
Kavita Kosh से
મને હવે મારા આંગણમાં
એક તુલસીકયારો રોપવાનું
મન થયા કરે છે...
કયાંક એવું તો નહીં હોય ને કે
દાદીમા
દિવાનખંડમાં ટાંગેલા ફોટામાંથી
કોઈ જોતું ના હોય ત્યારે
આંગણામાં લટાર મારી આવે છે,
ને પછી તેમની આદત મુજબ
મને કહ્યા કરે છે!
બધા તો કહે છે કે
અહીંની માટીમાં તુલસીનો છોડ
લાખ પ્રયત્નને અંતે ય ફાલતો નથી !
દાદીમાનો ફોટો લાવી
દીવાલ પર ટાંગ્યો
ત્યારે વિચારવા જેવું હતું,
હવે તો તુલસીકયારો
કવિતામાં ઊગી નીકળે ને
કોઈ ઘેઘૂર વડની જેમ વિસ્તરે
તો વાત બને.
