गीतावली सुन्दरकाण्ड पद 1 से 10 तक/पृष्ठ 6 का स्रोत देखें

{{KKGlobal}}
{{KKRachna
|रचनाकार=तुलसीदास
|संग्रह= गीतावली/ तुलसीदास 
}}
{{KKCatKavita}}
[[Category:लम्बी रचना]]
{{KKPageNavigation
|पीछे=गीतावली सुन्दरकाण्ड पद 1 से 10 तक/पृष्ठ 5
|आगे=गीतावली सुन्दरकाण्ड पद 1 से 10 तक/पृष्ठ 7 
|सारणी=गीतावली/ तुलसीदास / पृष्ठ 26
}}
<poem>

'''(6)'''
हौं रघुबंसमनि को दूत |
मातु मानु प्रतीति जानकि! जानि मारुतपूत ||

मैं सुनी बातैं असैली, जे कही निसिचर नीच |
क्यों न मारै गाल, बैठो काल-डाढ़नि बीच ||

निदरि अरि, रघुबीर-बल लै जाउँ जौ हठि आज |
डरौं आयसु-भङ्गतें, अरु बिगरिहै सुरकाज ||

बाँधि बारिधि, साधि रिपु, दिन चारिमें दोउ बीर |
मिलहिङ्गे कपि-भालु-दल सँग, जननि! उर धरु धीर ||

चित्रकूट-कथा, कुसल कहि सीस नायो कीस |
सुहृद-सेवक  नाथको लखि दई अचल असीस ||

भये सीतल स्रवन-तन-मन सुने बचन-पियूष |
दास तुलसी रही नयननि दरसहीकी भूख ||
</poem>