जर्मनीको यहुदी चिहानघारी / येहुदा अमिसाई / सुमन पोखरेल का स्रोत देखें

{{KKGlobal}}
{{KKRachna
|रचनाकार=येहूदा आमिखाई
|अनुवादक=सुमन पोखरेल
|संग्रह=मनपरेका केही कविता / सुमन पोखरेल
}}
[[Category:यहूदी भाषा]]
{{KKCatKavita}}
<poem>
एउटा सानो चिहानघारी छ,
उर्वर खेत छेउको थुम्कोमा 
खिया लागेको ढोका पर्तिर, 
घाँस र बुट्यानले छेकिएको
छोडिएको, बिर्सिइएको 
यहुदीहरूको चिहानघारी। 
न प्रार्थनाको स्वर, न त 
बिलौना गरेको आवाज नै सुनिन्छ त्यहाँ 
ईश्वरका लागि हैन मृतकका सम्झनामा।

हाम्रा केटाकेटीले खेलेका स्वर मात्र सुनिन्छ त्यहाँ, 
चिहान खोजेको र 
भेट्टिएपिच्छे जङ्गलमा च्याउ वा भूईँऐँसेलु भेट्टिएजसरी 
हर्षले कराएको।
यहाँ अर्को चिहान रैछ ! 
यसमा हाम्री आमाकी आमाको नाम छ, 
र अघिल्लो शताब्दीको मिति पनि लेख्या छ।
ई,.. यहाँ अर्को नाम रैछ, ई.. यहाँ पनि !

नाममाथि लागेका झ्याउ सफा गर्नै लाग्दा
देखेँ मैले
हत्केला खुलेको एउटा हातबाहिर निस्किएकोरहेछ चिहानबाट, कोहेनको चिहान,
तिनका औँलाहरू पवित्रता र आशिर्वादले भरिएर खुलेका थिए।

र यहाँ छेउमा अर्को चिहान रहेछ 
मसिना झिँजाहरूले छोपिएको;
त्यसलाई बढारेर मिल्काउनु छ 
एउटी सुन्दर र मायालु स्त्रीको अनुहारबाट 
रौँ सफा गरेजसरी।
...................................................................
'''[[जर्मनी में एक यहूदी क़ब्रिस्तान / येहूदा आमिखाई|इस कविता का हिन्दी अनुवाद पढ्ने के लिए यहाँ क्लिक करेँ ।]]'''

</poem>