"तिमी हुनुको (अंश - १०) / इन्दिरा प्रसाई" के अवतरणों में अंतर

कौसीमा एक जोडी आँखा
बार्दलीमा एक हूल आँखा
मलाई दृष्टिघात गर्दा छन् ।

सजातीय आँखाहरू
तिमीसँग गाँसिएको मेरो प्रभुत्वलाई
सबल मेरो ज्युनुसँग
ईर्ष्याले ग्रस्त छन् ।

आफूले ओढेको आकाश
साँघुरो टेकेको धरती
मैले फराकिलो पारेँ भनेर
ऊ मलाई हेर्दिन ।

आफ्ना कुण्ठाका तुषहरू
मैमाथि फाल्दा छन्
पराजित मनस्थिति बोकेकाहरू
मैसित आक्रोशीत आउँदै छन् ।