भारत की संस्कृति के लिए... भाषा की उन्नति के लिए... साहित्य के प्रसार के लिए
Changes
Kavita Kosh से
{{KKCatNepaliRachna}}
<poem>
एउटै पृथ्वीमा
एकफेरा मात्र बाँच्न पाएको
जीवन
म फेरिफेरि बाँच्न चाहन्छु ।
यो लोभ, तृष्णा
यो आकर्षण, आकाङ्क्षा
त्याग्न सकिनँ मैले कसै गरी पनि ।
भन्छन्, पुनर्जन्म हुन्छ यहाँ
तर आफूले नभोगेका कुरा
मनले मान्दैन
कसैलाई फर्केर आएको यहाँ देख्दिनँ ।
तर म त आउन चाहन्छु
जाने इच्छा नै छैन मेरो
कसै गरी यहीं बाँचिराख्न चाहन्छु ।
तसर्थ असम्भवलाई सम्भव पार्न
सङ्कल्प गरेको छु मैले
