"उपज /सत्यप्रकाश जोशी" के अवतरणों में अंतर

आ उपज !
सौ-सौ गुणी बध ।

आ, धरा सूं, गिगन सूं,
नित कळ-मसीनां सूं
मिनख रै बुकियां रो, मन-मगज रो जोर लै
विग्यांन नै इण कांम गाड़ी जोत
कर दै कनक मूंघी रज
आ उपज ! सौ-सौ गुणी सज !

म्हे गिणां संख्या अरब मैं
सब अरब हां पांच
पांच मूंढा जीमवा नै,
पांच तन, सुख पोखवा नै
ब्स अरब हां पांच ।

पण है हाथ म्हारा दस अरब
दस अरब पग है, पंख है
अर ग्यांन रा घर दस अरब

चीज रै लारै फिरै जद चीज री कीमत
आ उपज
सौ-सौ गुणी बध ।