"17 नैनी कवितावां / ओंकार श्री" के अवतरणों में अंतर
Neeraj Daiya (चर्चा | योगदान) (नया पृष्ठ: {{KKGlobal}} {{KKRachna |रचनाकार=ओंकार श्री |संग्रह= }} {{KKCatMoolRajasthani}} {{KKCatKavita}} <poem>(1) इण गूं…) |
आशिष पुरोहित (चर्चा | योगदान) |
||
| पंक्ति 4: | पंक्ति 4: | ||
|संग्रह= | |संग्रह= | ||
}} | }} | ||
| − | {{ | + | {{KKCatRajasthaniRachna}} |
{{KKCatKavita}} | {{KKCatKavita}} | ||
<poem>(1) | <poem>(1) | ||
| पंक्ति 118: | पंक्ति 118: | ||
म्हारा लोकराज ! | म्हारा लोकराज ! | ||
| − | '''राजस्थानी-1''' से</poem> | + | '''राजस्थानी-1''' से |
| + | </poem> | ||
08:10, 19 अक्टूबर 2013 के समय का अवतरण
(1)
इण गूंजतोड़ै छळावै में
तोड़ियां जा म्हारी देह
इतिहास-पुरुस !
(2)
पींडियां में बीजळियां
चबका पांसळियां में…
बांइंटा बूकियां में, विद्रोह
रो
जलम !
(3)
थारै आंधै केसां मांय
रमै म्हारी बोळी आंगळियां
नीं चायै,
म्हनै थारै गरमास रो हेम !
(4)
ऐ सोधा लिखार !
ऐ काळनेमी कळाकार !!
भरम मती आंमै ओ सिरजणहार !
(5)
नीं आंथम्यौ काळो सूरज
सांप- म्हारा सहोदर…
फूंक दे- जीवण !
(6)
आ सोनपंखी चिड़ी
उडै-
म्हारा खांधा दूखै
चींथै म्हनै गोधै री दड़ूक
(7)
पाणी री राग सुणों
बरफान काळजै री धड़कणां
पग-चाप डूंगरां री…
(8)
आपघात करग्यो
गंदी बस्ती रो एक अजाण हेताळू
डिकारै है नगर-दईत !
(9)
पीढियां,
म्हार मांय खदबदाय रयी है
पगां लमूटै है बोरवो-सईको
चीकणीं घणी संस्कृति री
सीडियां………
(10)
आव चालां
काम दिलाऊ दफ्तर री लैण में रड़भड़ा
परमेसर निस्काम !
(11)
कीं नीं हांडी में
X X X X
आओ कागदी फसलां निरखां,
(12)
म्हारै पथरणै माथै
पसवाड़ो फोरियां स्ती है थारी ओळियूं
तकियै हेटै –
भींचीजगी थारै कांगसियै री बत्तीसी…
(13)
सरबधात री हेटै
स्यारो दियां बैठियो है एक टाबर
(14)
धोरा जागै
निंदरीजै तो बाग अर बगीचा !
(15)
“दिन कद तांई ऊगसी
- बटाऊ पांखी ?”
“… सूती रै सावण री डोकरी
आघकै पौर और”
(16)
आखर बीज
टुपक्या सिरजण-खेत में
बुद्धि रा बादळा ढूंढै
आकळ-बाकळ –
क्यूं –
-कांई ?
(17)
रगत ले
पसीनो
ऐ आंसूं …… म्हारो जीवण
वाणी नीं- वाणी नीं – वाणी नीं
म्हारा लोकराज !
राजस्थानी-1 से
