"दर्शन कूँ आनाकानी मत करै / ब्रजभाषा" के अवतरणों में अंतर

वारे लाँगुरिया दर्शन कूँ आनाकानी मत करै,
मैंने बोली है करौली की जात॥ लँगुरिया.
वारे लाँगुरिया नैनन सुरमा मैंने सार कै,
कोई बिन्दी लगाय लई माथ॥ लँगुरिया.
वारे लाँगुरिया हाथन में कंगन मैंने पहिर लगये,
और मेंहदीउ लगाय लई हाथ॥ लँगुरिया.
वारे लाँगुरिया साड़ी तो पहिरी टैरालीन की,
कोई साया तौ जामें चमकत जात॥ लँगुरिया.
वारे लाँगुरिया कौन की सीख लई मान कै,
जो करवे चले नाँय जात॥ लँगुरिया.
वारे लाँगुरिया रूपया खरच कूँ मैंने रख लीने,
तू तो निधरक चल ‘प्रभु’ साथ॥ लाँगुरिया.