"आला वतनपरस्ती / आसन वासवाणी 'मजबूर'" के अवतरणों में अंतर

आला वतनपरस्तीअ जो
खि़ताब हासिल करण लाइ
अव्हीं हिन्दुस्तान जा
क़ानूनी तौर नागरिक बणिजी
अनेक तकलीफ़ुनि जे मुक़ाबिल थियो,
इन खां सरल ऐं सवलो इहो आहि रस्तो
त अव्हीं कंहिं बि जाइज़,
नाजाइज़ नमूने
उतां जा बणिजी वञो मुअतबर नागरिक,
पोइ उते रहन्दे
अव्हीं पंहिंजीअ मातृ भूमीअ जी
ख़ास खि़दमत करे था सघो

किनि मुफ़क़िरनि जो इहो चवणु आहे
त विदेश में मुक़ीम
साबिक़ हिन्दुस्तानी
हिन्दुस्तान में
अजु जे मुक़ीम हिन्दुस्तानीअ खां
अनेक बार ऊंचे दरजे जो
वतनपरस्त आहे, बशर्ते कि
हू पंहिंजा कमायल डालर, पाऊंड वगै़रह
हिन्दुस्तानी स्कीमुनि में सीड़ाए,
जीअं हिन्दुस्तानजो, पंजाहु सालनि जी आज़ादीअ बाद बि
अञा ग़रीब मुल्कनि जी क़तार में बीठो आहे,
तरक़्क़ी करे सघे।
ॿियों शर्तु त
हिन्दुस्तानी हुकमरान,
अगुवान जॾहिं
संदसि
नएं वसायल मुल्क में अचनि
त उन्हनि जी उते
गरमजोशीअ सां आजियां करे
ऐं संदसि
हिन्दुस्तान में हुकूमत करण जे फ़न जी
दिल खोले साराह करे।