"सुबह ऐं सांझी / अर्जुन ‘शाद’" के अवतरणों में अंतर

हर सुबह जो सूरज
मुंहिंजे लाइ हिकु नओं सूरज हूंदो आहे
हर सुबह मुंहिंजे लाइ
जिंदगीअ जी शुरूआत हूंदो आहे
अॻींअ रात जो
मां पंहिंजी कुल हसरतुनि खे
निन्ड जे अंधकार में मिटाए
सुबह जो नओं-संओं थी उथंदो आहियां;
पर सांझीअ ताईं
सभेई हसरतूं मिड़ी
मूं खे इहो अहसास ॾियारींदियूं आहिनि
त ज़िंदगी
शुरूअ खां आखि़र ताईं
हसरतूं ई हसरतूं आहे-
मां सोचण लगंदो आहियां
त मुंहिंजो ‘मान’
सुबह वारो सचो आहे
या सांझीअ वारो?