"नारायण झा / परिचय" के अवतरणों में अंतर

10:41, 6 सितम्बर 2018 का अवतरण

लेखक राजकीय मध्य विद्यालय रहुआ - संग्राम , प्रखंड - मधेपुर , जिला - मधुबनी ( बिहार ) मे शिक्षक रूप मे सेवा दैत लेखन कार्य मे लागल छथि । एखन तक दू गोट पोथी प्रकाशित छनि । पहिल पोथी " प्रतिवादी हम " कविता संग्रह पर साहित्य अकादेमी युवा पुरस्कार २०१५ प्राप्त छनि । दोसर पोथी २०१७ ई ० मे " अविरल - अविराम " कविता संग्रह प्रकाशित भेलनि अछि । निरंतर पत्र - पत्रिका सभ मे रचना प्रकाशित होइत रहै छनि । कविता , बाल साहित्य , आलेख लिखै संग थोड़ - बहुत गजल आ कथो पर काज कऽ रहला अछि । अध्ययनशील हेबा कारणे हालहि मे नालंदा ओपन यूनिवर्सिटी सँ एम ए ( मैथिली ) मे सर्वोच्च स्थान प्राप्त करबा पर राज्यपाल सँ गोल्ड मेडल प्राप्त केलथि आ संगहि मैथिली सँ यू जी सी नेट परीक्षा सेहो उत्तीर्ण भेलथि । एखन दू गोट पोथी अप्रकाशित छनि , से शीघ्रे प्रकाशित हेतनि । आगु पीएचडी कार्य मे अध्ययनरत छथि ।

हिनक मैथिली कविता नवता आ यथार्थताक परिचायक अछि । कविता मे शब्दक संयोजन अति विशिष्ट आ शैली सेहो अपन रहै छनि । विषय वस्तुक स्तर पर कविता केँ विराटताक संज्ञा देल जा सकैए । जँ मैथिली कविता पढ़ब आ हिनकर पढ़ब , तँ अनचोकहुँ मे हिनक कविता चिन्हा जाएत । तहिना बाल कविता मे , बाल मनोविज्ञानक चासनी मे बोरल कविता सभ बुझाएत , जे मैथिली साहित्यक लेल खास बात अछि । आलेख , कथा सेहो विशिष्ट रहै छनि ।