भारत की संस्कृति के लिए... भाषा की उन्नति के लिए... साहित्य के प्रसार के लिए
धीरज / नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 05:55, 3 नवम्बर 2015 का अवतरण
आपां सगळां जाणां- जूंण रो ’ऐंड’ पण तो ई खथावळ नीं करां, जीवां जूण नै जूण री गत । जाणां- छेकड़ में कीं नीं बचैला, सिवाय ओळूं-बिरछ रै ; का फेर बचैला कीं सबद जिका सूं कोई कवि बणावैला- ओळूं-बिरछ ।
म्हैं परखणो नीं चावूं- आप रो धीरज, क्यूं कै म्हैं आगूंच जाणूं- आप रो धीरज है आप मांय ; बिंयां आप सगळी बातां सगळा भेद एक चुटकी में ठाह करणा चावो पण कविता री तीजी ओळी उतावळ ठीक कोनी ।
माफ करजो, आ कविता जूण दांईं फगत दो ओळी री है, जिण मांय सूं एक ओळी म्हैं मांड दीवी अर दूजी ओळी आप नै मिल जावैला ; म्हैं आगूंच कैयो नीं- धीरज है आप मांय । बा ओळी अचेत पड़ी है आपां री ओळूं मांय इण पैली ओळी रै विजोग मांय ।
