एकथोक / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » घर फर्किरहेको मानिस »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

त्यसो त धेरै चीजहरू छन् पृथ्वीमा
यो घुमिरहने पर्यटकजस्तो सूर्य– मृदु मुस्कानजस्तो उसको बिहान

यी बूढा पर्वतहरू र तिनीहरूको शालीन गम्भीरता
यी तरुनी खोलाहरू र तिनीहरूको मादक चञ्चलता
उकाली र चौतारीहरू
सफा रुमालजस्तो बिहानको नीलो आकाश
र साँझमा बुट्टाजस्ता ताराहरू

हो, धेरै चीजहरू छन् पृथ्वीमा
यी स्वतन्त्र पंक्षीहरू र पात फर्फराइरहेका वृक्ष
प्रेमपूर्वक बजाइएका भायोलिनका धुन र मिठा सम्झनाहरू

प्रिय अतीत र उज्यालो भविष्य
अनन्त फैलिएका बाटाहरू र सुखद यात्राहरु छन् पृथ्वीमा
र छन्– ठूला ठूला पुस्तकालय र पुरातात्विक दरबारहरू

तथापि धेरै चीजहरू छन्
र पनि एकथोक
तिमी छैनौभने – केही पनि छैन पृथ्वीमा !