प्रस्थानको तरखर / ईश्वरवल्लभ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ईश्वरवल्लभ » कस्मै देवाय? »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

केही असल मानिसहरूजस्तै
पन्छीहरू हाँगाहाँगा जम्मा हुँदै थिए
आज, अझै त्यो पुर्बेली हावा चलेन
सुकेको एउटा पात पनि झरेन
हुन त मनको पीर आँधीजस्तै दुख्छ,
त्यसैले बिर्सिदिए हुन्छ, यस्ता कुराहरू
म अब डिलमा उभिएर हेर्छु,
तल फेदीमा नदी आयो कि आएन,
केही दिनअघि त्यहीँबाट त्यो नदी
मेघ भएर आकाश गएको थियो
त्यसैले पानी बग्न पायो कि पाएन
समुद्र गर्जेको थियो
किनार र फाँटहरूलाई उसले खुब हिर्काएको थियो
माझीहरू खोइ
आफ्ना पतवार लिएर आएका छैनन्
यसपालि त आँधीबेहरी नै आउने भयो
अब त घर जानुपर्छ ।