झझल्को / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » शून्य मुटुको धड्कनभित्»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मेरा गीतहरूमा
एउटा बाढीले
धड्कनका छालसँगै
दुईटा आँखा भएर
बगाउँछ मुटुलाई
सुस्केराको लय समातेर ।

टाढिएको समयको झझल्को
समाउन खोज्छ क्षितिज
दृष्टि भएर ।

वातावरणभरिका
परिवेश वरिपरिका
काँडाका घोचाइहरूमा
सुस्केराको सङ्गीत गुञ्जिन्छ;
आफ्नै स्मृति वरिपरि
लुक्न खोजिरहेका
आँशुका थोपाहरूलाई ब्यूँझाएर ।

जहाँ
खै कुन्नि के हो
मुस्काउन खोज्छ,
अवचेतनका खोल्साहरूमा
बिछोडका फाल्साहरूमा;
रगत झैं
रातो र दुखाइपूर्ण भएर ।