तिमीलाई म के भनूँ / दीपक जङ्गम

यति धेरै माया दिई, मन भरि दु:ख नदेउ
बाटो वरपर फुल्ने, पंलास टिपी शिरमा नलाऊ
यति धेरै…..

जो भाग्यमा कोरिएका, सुख दु:ख स्वीकार छन् २
केहि तिता पल केहि मिठा फल, सबै सबै स्वीकार छन्
यो हातहरु अस्वस्थ छन्, भो सान्त्वना मलाई नदेउ
यति धेरै….

यो बाटोमा कति काँडा, कति फूल टिपी हिडें २
कति पराइ आफ्ना देखें, कति आफ्ना पराइ भेटें
यो जिन्दगीको मोडमा, भो सहारा मलाई नदेउ
यति धेरै…..

शब्द र संगीत: दीपक जंगम
स्वर: नारायण गोपाल