भारत की संस्कृति के लिए... भाषा की उन्नति के लिए... साहित्य के प्रसार के लिए
पुनर्जन्म / कुन्दन शर्मा
Kavita Kosh से
Sirjanbindu (चर्चा | योगदान) द्वारा परिवर्तित 10:01, 15 फ़रवरी 2022 का अवतरण ('{{KKGlobal}} {{KKRachna |रचनाकार= कुन्दन शर्मा |अनुवादक= |संग्रह= एउ...' के साथ नया पृष्ठ बनाया)
एउटै पृथ्वीमा
एकफेरा मात्र बाँच्न पाएको
जीवन
म फेरिफेरि बाँच्न चाहन्छु ।
यो लोभ, तृष्णा
यो आकर्षण, आकाङ्क्षा
त्याग्न सकिनँ मैले कसै गरी पनि ।
भन्छन्, पुनर्जन्म हुन्छ यहाँ
तर आफूले नभोगेका कुरा
मनले मान्दैन
कसैलाई फर्केर आएको यहाँ देख्दिनँ ।
तर म त आउन चाहन्छु
जाने इच्छा नै छैन मेरो
कसै गरी यहीं बाँचिराख्न चाहन्छु ।
तसर्थ असम्भवलाई सम्भव पार्न
सङ्कल्प गरेको छु मैले
आफ्ना अङ्गअङ्ग मरेपछि
चाहिनेलाई दान दिन
र मरेर पनि बाँच्नेछु म यसरी
पुनर्जन्म लिनेछु अरूमा फेरिफेरि ।
