भारत की संस्कृति के लिए... भाषा की उन्नति के लिए... साहित्य के प्रसार के लिए
जूनी ओळूं / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 12:17, 26 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
कांई ओजूं ईं
थनै लखावै
म्हारी उडीक रो
एक-एक दिन
एक बरस रै उनमान।
थारी प्रीत रै मिस
उण बगत रा बोल
थारै हेत रा कोल
थारी हर रा रंग
कांई ठाह
होग्या कठै अदीठ।
सांची बता
थारै मन में
कदी-कदास
हिलोरो मारै है का कोनी
उण बगत री औळूं
स्यात अबै
थूं ई हुयगी स्याणी
भावना रो भतूळियो
मंदो पड़ग्यो
जगती में गमग्यो
आपणो सोवणो-सुरंगो बगत।
