भारत की संस्कृति के लिए... भाषा की उन्नति के लिए... साहित्य के प्रसार के लिए
વસંત / જયન્ત પાઠક
Kavita Kosh से
Sharda suman (चर्चा | योगदान) द्वारा परिवर्तित 13:10, 28 दिसम्बर 2014 का अवतरण ('{{KKGlobal}} {{KKRachna |रचनाकार=જયન્ત પાઠક |अनुवादक= |संग्रह= }} {{KKCatGuj...' के साथ नया पन्ना बनाया)
વાયા વસંતપવનો વનમાં, દ્રુમોની
કાયા થકી પરણ-ચુંદડીઓ ઉડાડી;
શી સોહતી ફૂલથી અંગકલા ઉઘાડી !
સૌ રંગમાં, શરમ રાખતું કોણ કોની?
ફૂલે ફૂલે ભ્રમરટોળી ભમંત ધૃષ્ટ
એકે ય અંગ નહિ અંગથી રહે અસ્પૃષ્ટ;
ઊડે ઘટામહીંથી પંચમનો પરાગ;
ને રોમરોમ ઊઠી ખાખરઅંગ આગ.
વાયા વસંતપવનો જનમાં, અનંગે
પ્રત્યેક પુષ્પશર તીણું બનાવી તાક્યું;
વીંધાઈને જ રમવાનું સુરક્ત રંગે
રહેતું રખે ટીપું ય મોદતણું અચાખ્યું !
વીતી શિશિર, પણ આગળ છે ઉનાળો
તો ચાલ, બાંધી લઈએ પ્રિય એક માળો.
