भारत की संस्कृति के लिए... भाषा की उन्नति के लिए... साहित्य के प्रसार के लिए
जागी जावा / धनेश कोठारी
Kavita Kosh से
Abhishek Amber (चर्चा | योगदान) द्वारा परिवर्तित 18:37, 2 मई 2019 का अवतरण ('{{KKGlobal}} {{KKRachna |रचनाकार=धनेश कोठारी |अनुवादक= |संग्रह=ज्य...' के साथ नया पृष्ठ बनाया)
उत्तराखण्ड वासी जाग
शैल पुत्र जाग-जाग
गढ़-कुमौ नारेंण दगड़ी
भूमि का भुम्याळ्जाग
धौळी का गंगलोड़ा जाग
छोड़ दे लमडणौ भाग
हिमाला कि स्थिरता देख
धौळी कि दगड़ न भाग
ज्युकड़ि मा धीरज बंधौ
करम कू लालच लगौ
गिच्चा परन्बुज्याड़ु हटौ
सुणौ क्वी सुरीलु राग
शिक्षा कि तू भिक्षा ली
सोच सणि विस्तार दी
कख ऐगे पुळ्योंण मा
थमळी च लटकिं मोंण मा
लंगोठ्या कू सि छोड़ अभाग
अब मन्खि ह्वेगेनि मनस्वाग
रात्यों कि दगड़ सुबेर
रोज औंदी न छोड़ आस
आज तेरा सारा लग्यूं च
भोळ्थैं न करि निराश
सुदिनूं कि टक्क लगिं
कब छुटलु तेरु बैराग ॥
