भारत की संस्कृति के लिए... भाषा की उन्नति के लिए... साहित्य के प्रसार के लिए
रसगुल्ला / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 15:38, 6 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=रंग-रंगीलो म्हारो देस / शि…)
गोळ-गोळ अर धोळा-धोळा
रसगुल्ला भई रसगुल्ला
टाबरियां रै मन नै भावै
बीकाणै रा रसगुल्ला।
सगळां रो ए जी ललचावै
मुंडै में पाणी भर आवै
लूणी रै टेसण मिलज्यावै
मोटा-मोटा रसगुल्ला
कोई छोटा कोई मोटा
रस रै टब में खावै गोता
खुरमाणी चमचम रा साथी
बणै दूध रा रसगुल्ला।
शालू नै रसगुल्ला भावै
पण आ बात समझ नीं आवै
गोळ-मटोळ सा इण गोळां में
रस री बूदां किंयां पुगावै।
