जो
सत्ताइस बरसां सूं
गिद्ध री निजरां में
चुभतौ कांटो कैवाय है
जो
रंगभेद रा
समंदर में
लगोतार कांकरा
फेंकतो रैयो है
जो
ठेठ सूं ठेठ तक
औपनिवैषिकता रै
पीवणा सांप नै
पिटारी में
बंद करवा री खातिर
आपणा केस
पकाय बैठौ है
जो नुंवा रूंख माथै
बैठनै बराबरी रा
रसाल़ बांटणा
चावै है
जिणरी
अेक आवाज पै
दुनिया दौड़ी-दौड़ी
आवै है
कुण है वो
कुण
आजादी रौ उणियारो
उजालै़ री ओल़खाण
मिनख-धरम री पिछाण
पंचषील रौ कबूतर
के पछै
फकत नेल्सन मंडेला