बाटो / तुलसी दिवस

हिँड्दा हिँड्दै मोडमा
हिँडेको बाटोनै मोडिए पछी
हिँड्नेको पनि केहि लाग्दो रहेनछ|

तेर्सिँदा तेर्सिँदै तेर्सोमा
तेर्सिएको बाटोनै उक्ले पछी
तेर्सिनेको पनि केहि लाग्दो रहेनछ |

उक्लँदा उक्लँदै उकालोमा
उक्लेको बाटोनै ओर्लिए पछी
उक्लनेको पनि केहि लाग्दो रहेनछ |

ओर्लँदा ओर्लँदै फेरि
ओर्लेको बाटो नै उक्ले पछी
ओर्लनेको पनि केहि लाग्दो रहेनछ |

हिँड्दा हिँड्दै मोडमा
हिँडेको बाटो नै मोडिए पछी
हिँड्नेको पनि केहि लाग्दो रहेनछ |