अपनोॅ स्वारथ साधै लेली
पल पल गिरगिट रंग बदले छै।
छल-परपंच के रसता पर चलै वाली
बिलाय हज करै लैॅ चललों छै।
दोसरा छप्पर पर आग धरि कें
अपने घरोॅ में आग लगैनेॅ छै।
जें रखनें छेलै अपना घरों में
ओकरोह भी येॅ कहियों नै छोड़तै।
झूठे के जेॅ बाॅंचै छै साधु संत कहावै छै।
हाथी के दाँत दिखावै छैे
दुनिया केॅ भरमावै छै।
जे चेतलै गिरगिट सें बचलै
नै चेतलै तेॅ
अैहना लोगें जान गमावै छै।
हित-अनहित पशु-पक्षी भी सोचैं
आदमी के की होलोॅ छै।
गिरगिट तेॅ गिरगिट छेकै
घुरी फिरी मौका देखी के
रंग तेॅ बदलतै छै।
मतुर मनुखोॅ जाति नें कहिया,
गिरगिट के आदत अपनैलकै
आपनो नाम गिरगिट पर करलकै
ई दुखोॅ के बात।