तपतपको शब्दध्वनिमा
दुई थोपा आँसु चुहुन्छ
आँखाबाट शून्यताको।
हल्लैहल्लाको हजारमा
सबैका कानहरू थुनिएका छन्
सिबाय एउटा बहिरो ठिटाको।
कसको प्रश्न सुन्नु/नसुन्नु
वाल्ल परेको छ उत्तर
बुझ्न नसकी कचिङ्गल रुप्पीको।
जूनले घामलाई डाह गर्छ
पैँचो उज्यालोमै चम्कन्छन्
जूनकीरीहरू जुनेलीको।
नाटकीय रङ्गमञ्च झूटो प्रपञ्च
दोस्रो पटक शवपरीक्षण गरिन्छ
महिनौँ गाडेको मुर्दाको।