सुरजोॅ के तापोॅ सें
धरती के छाती
जेनाकि तपै छै
होनै केॅ
यै धरती के बेटा किसान
महाजनोॅ के सुरजोॅ सें
जली रहलोॅ छै
छन छन
जर्जर प्राण
मुख अम्लान
सुखलोॅ ठोरोॅ पर ओकरोॅ
छै फिक्का मुस्कान
सुनोॅ
धरती केॅ कोड़ी
जें जीवन उपजाबै छै
हुनका उठाबोॅ
सुरजोॅ के तापोॅ सें हुनका उबारोॅ
जे जन मन के प्राण छेकै
जेकरोॅ कोय ठिकानोॅ नै छै
हमरा ऐतना कहना छै
कवि सिनी सें
कविता लिखोॅ
मतुर कि हिनकै लेॅ
जे मरै छै सभ्भै लेॅ
सगरे लेॅ ।