ग़ज़ल / उमेश बहादुरपुरी

दुश्मन के हीं हम अप्पन दिलदार बनयबइ।
आब मिलके हमसब नउका बिहार बनयबइ।।
दे रहलइ हें सूरज हमर घर पर दस्तक।
हम अप्पन किस्मत के चमकदार बनयबइ।।
आबऽ ....
पुरुष हिअइ हमरा में पौरुष छलकऽ हे।
हम तो ई जुआनी के दमदार बनयबइ।।
आबऽ ....
भाँति-भाँति के फूल खिलल हे ई बगिया में।
सब फूलन के एगो हम तो हार बनयबइ।।
आबऽ ....
छुआछूत के फेर में हम बड़ दिन रहलूँ।
मानवता के हम अप्पन सिंगार बनयबइ।।
आबऽ ....
सूक्खल नदी में नाव भी हम चला सकऽ ही।
हम तो अप्पन जिनगी के रसदार बनयबइ।।
आबऽ ....
मेहनतकश इंसाँ इहाँ कहिओ न´् हारऽ हे।
धरम-करम के हम तो अप्पन यार बनयबइ।।
आबऽ ....
हम इतिहाँस पढ़ऽ ही न´् इतिहाँस बनाबऽ ही।
हम अप्पन सूबा के सदाबहार बनयबइ।।
आबऽ ....