सुधारऽ सइयाँ अपन तूँ चलनियाँ।
उतर जइतो न´् तो तोहर पनियाँ।।
रोजे रोज जा हा बरबिघा बजरिया।
केकरा पर लुटाबऽ हऽ अपन नजरिया।
न´् काम देतो तोरा ऊ नचनियाँ।। उतर ....
सँझिया के आबऽ हऽ सइयाँ तूँ झूमते।
ताकऽ हऽ एक्को बेरी न´् हमरा घूम के।
रात रात भर रोबे ई बिरहिनियाँ।। उतर ....
बेच देला टीका बेच देला बाली।
कर देला हमरा दुनहुँ हाँथ खाली।
सइयाँ आउ बेच देला तूँ नथनियाँ।। उतर ....
हमरो कहनमा मान ले सजनमाँ।
तोहरे में बसल हे हमरो परनमाँ।
काम देतो तोरा सबदिन ई रनियाँ।। उतर .....