तिम्रो सामन्ती विचारको भारी बोकेर
हिँड्ने छैनन् अब यी शब्दहरू ।
यिनीहरूले
आफू फुक्का भएको घोषणा गरिसके ।
तिम्रो प्रपग्याण्डा र विज्ञापनको कङ्क्रिट खेतबारीमा
यी शब्दहरू जोतिनसम्म जोतिए
तर बधाइ-पत्र र अभिनन्दनहरूमा
यी शब्दहरूले कहिले ठाउँ पाएनन्।
आज आफ्नै करङको एकोडियन बजाउँदै
यिनीहरूले
आफ्ना हजुरबुबाको पनि हजुरबुबाले गाएको गीत
फेरि खोजिनिकाली कोरस गाउँदैछन् ।
( १२ अगस्त २००८)