हिजो साँझ
आगोको चहकमा आकर्षित मनले
दुर्गम उचाइमा आत्महत्या गरेछ ।
बुझ्दा
आगोसँग रिसाएको मनले
पनिसँग सम्झौता गर्न सकेनछ ।
शङ्कैशङ्कामा
मनको अधिक प्रिय फूल
गिरफ्तारमा परेको छ ।
दुर्गम उचाइ…
मनको लास…
फूलको आँधी…
भर्खरै मान्छेको विशिष्ट चेतना
मनको लास बोकेर
सभ्यताको आधारशिविरतिर झरेको छ
… …. ….
जहाँबाट विच्छेद भएर मन प्रस्थान गर्दा
उहिले
म एक्लै चिच्याएर रोकी थिएँ…
दुर्गम उचाइ…
मृत्युग्रस्त इलाका…
फूलको आँधी…
०००